PANALANGIN PARA SA MAHAL NA NUESTRA SEÑORA DELA ROSA DE MACATI

PANALANGIN PARA SA MAHAL NA NUESTRA SEÑORA DELA ROSA DE MACATI. 1718

PANALANGIN

Oh, kalinis-linisang Birheng Maria,

Rosang walang kasing bango't dikit ang pag-ibig

na maningas sa Diyos.

Oh, maalab na Reyna,

bantog sa kabanalan at ganda

na kinaliligayahan ng Maykapal!

Ilingap mo nawa sa abang kaluluwa ko

iyang maawain mong mga mata

at maging lunas ka ng lahat ng

kasakitan ko at dusa.

Maging larawan ka't

salamin ng buhay na siyang halimbawa

sa ulirang bag-ibig ko

sa Diyos na dakila.

Ikaw ang lingkod na tumalimang

masigla sa kalooban ng Diyos na kaligtasan

ay ipagkaloob sa sangkatauhang

mahal niyang lubos.

At ang salita'y nagkatawang tao,

abu't abot na biyaya

ay kanyang handog.

Ihatid mo kami sa iyong anak na si Hesus

hanggang matapos

ang aming paglalakbay

patungo sa langit naming tahanan.

Kami ay iyong ingatan na sa pag-ibig

huwag magkulang.

maalab mong puso sa amin

sa tuwina'y magturo,

upang sundan si Hesus bilang daan,

katotohanan at buhay.

Kami ay iyong lingapin

ngayon at sa oras

ng aming kamatayan.

Amen.

Sts. Peter and Paul Parish Church

Poblacion, Makati City. Philippines

MEMORARE SA BIRHEN NG LUJAN QUASI

 ALALAHANIN MO

(The Memorare)

Alalahanin mo,

O lubos na mapagmahal na Birhenng Maria

na kailan man ay hindi natanto

na may dumulog sa iyong pagkalinga

at humingi ng tulong at nagmakaawa

ng iyong saklolo na iyong

di pinabayaan.

Taglay ang pag-asang ito

dumudulog kami sa iyo.

O Ina, kami'y nakaluhod

na makasalanan at namimighati.

O Ina ng Diyos na nagkatawang tao,

huwag mong hamakin ang aming pagdulog

at pangangailangan

at sa iyong habag,

ay dinggin at tugunin ang aming dalangin.

Amen.

Birhen ng Lujan Quasi Parish

Diocese of Caloocan

Bagong Barrio, Caloocan City

Institute of Incarnate Word, Philippines

MEMORARE TO THE BLESSED VIRGIN MARY OF GOOD GUIDANCE

MEMORARE TO THE BLESSED VIRGIN MARY OF GOOD GUIDANCE;

Remember, O most gracious Virgin Mary,

that never was it known that anyone

who fled to your protection,

implored your help or sought your intercession,

was left unaided.

Inspired by this confidence,

I fly onto you,

Oh Virgin of virgins, my Mother.

To you I come, before you I stand,

Sinful and sorrowful. Oh Mother

of the Word incarnate, despite not my petitions,

but in your mercy, hear and answer me. Amen.

Nuestra Señora de Guia, pray for us!

Recamadero Antonio S. Adriano

Archdiocesan Shrine of Nuestra Señora de Guia.

M.H.Del Pilar corner A. Flores st., Ermita Manila, Philippines.

Ricky Palma

PANALANGIN SA MAHAL NA BIRHEN NG DEL PILAR DE IMUS

PANALANGIN SA MAHAL NA BIRHEN NG DEL PILAR DE IMUS.

Ama naming makapangyarihan,

ipagkaloob Mo sa amin ang lakas

upang alalayan kaming mahihina.

Pakundangan sa Mahal na

Birhen del Pilar, palakasin mo

ang aming pananampalataya,

patatagin ang aming pag-asa

at pag-alabin ang aming pag-ibig

sa pamamagitan ni Hesukristo

kasama ng Espiritu Santo

Magpasawalang hanggan,

Ama namin...

Aba Ginoong Maria...

Luwalhati...

MAHAL NA BIRHEN DEL PILAR

Aming lakas at kagalakan

Ipanalangin mo kami!

Amen.

Cathedral of Our Lady of the Pillars.

"Imus Cathedral"

General Castañeda st. Imus, Cavite

PANALANGIN PARA SA BIRHEN NG NUESTRA SEÑORA DE LOS DOLORES DE TURUMBA.

PANALANGIN PARA SA BIRHEN NG NUESTRA SEÑORA DE LOS DOLORES DE TURUMBA.

(Paroquia ng San Pedro Alcantara, Archdiocese of Nuestra Señora de los Dolores de Turumba. Pakil, Laguna)

Manalangin;

Kahirap-hirapan at kalinis-linisang Virgen Maria,

Ina ng masintahing Anak na lubhang

Tigib ng lumbay sa lahat ng Ina sa mundo,

Naninikluhod po kami sa mahal mong marapan,

Ina naming maawain at nagpapatirapa sa mga mahal mong paa,

At tuloy nag aamo-amo sa Iyo ng buong pagpapakumbaba

Na kung itong awa at kagalingang hinihingi naming,

Ay magiging karangalan ng Panginoong Diyos

At ikagagaling nang kaluluwa naming,

Ay idalangin mo sa kapangyarihan niyang sakdal,

Na ipagkaloob sa amin,

At kung dili ay ang kanyang kasantosantusang kalooban

Tutupdin ko't pasasalamatan ng maging dapat

Kaming mag puri sa pagka-Dios niyang walang hanggan,

Na kasing isa ng Dios Ama at nang Espiritu Santo

Magpasawalang Hanggan.

Amen Jesus.

Awit alay sa Turumba;

Turumba, turumba Mariangga

Matuwa tayo't magsaya

Sumayaw ng Turumba

Puri sa Birheng Maria.

(sa Birhen)

Turumba, Turumba sa Birhen

Matuwa Tayo't mag-aliw

Turumba'y ating sayawin

Puri sa Mahal na Birhen.

(Sa Birhen)

Biyernes ng makita ka

Linggo ng iahon ka

Sumayaw ng turumba

Puri sa Birheng Maria.

(Sa Birhen)

Turumba, Turumba sa Birhen

Turumba, Turumba sa Birhen

Turumba'y ating sayawin

Puri sa Mahal na Birhen.

(Sa Birhen)